DXDD-AM NEWS ONLINE

OZAMIZ CITY:DAGHANG mga politiko sa Misamis Occidental ang hilom nga mipadayag og suporta kang Ozamiz City Vice-mayor Carlos Patricio ‘Kaloy’ Bernad kon ugaling makahukom kini nga modagan sa pagkagobernador sa Misamis Occidental.
Gipadayag sa mga dagkong politiko sa lalawigan nga kasamtangan nga wala mopaila ngadto sa publiko nga dako ang ilang pagtuo nga mabanhaw sa besi mayor ang gitanom nga mga mithi gikan sa iyang apohan nga si Kanhi Gobernador Anselmo Bernad ug ang amahan niini nga si Fernando Dongdong Bernad, kanhi Mayor sa dakbayan sa Ozamiz.
Kaligdong sa panerbisyo, pagsakripisyo, mahadlokon sa Dios, pagtahan sa kinabuhi og bisan pa sa mga personal nga mga kabtangan alang sa katawhan sa lalawigan.
Kini ang ang ilang gipadayag nga reaksiyon human mabalita nga adunay daghang sector ang mihangyo kaniya nga modagan sa pagkagobernador sa lalawigan gumikan sa ilang pagtuo nga kini maoy maghatag sa tukmang deriksiyon sa lalawigan ilabina ang pagsulbad sa kawad-ong sa Misamis Occidental.
Ilang gituhoan usab nga ang kasinatian sa besi mayor isip ehekutibo sa pribadong sector, besi mayor sulod sa halos siyam ka tuig, negosyante ug mag-uuma ug usa ka license chemical engineer dako og ikatabang alang sa pagpangita ug paagi , pagmogna og programa ingong man proyekto alang sa kalamboan sa Misamis Occidental.
Samtang sa kabahin sa besi mayor gipadayag niini nga ang suporta sa katawhan nga nagtuo sa iyang katakus ang maghatag og kusog sa iyang kandidatura ug dili ang pagsalig sa kuwarta nga gamiton og pagpalit og mga botos sa panahon sa eleksiyon.
Nasayran usab nga andam na ang mga supporters ni Bernad sa tibuok Misamis Occidental andam sa pagsuporta sa iyang kandidatura bisan pa kon mausab ang hukom niini nga modagan sa pagkagobernador sa Misamis Occidental ilawom sa partido Liberal Party kinsa si Noynoy Aquino ang gedeklara nga standard bearer.
Ang supporters sa besi mayor naglangkob daghang ug nilipang nga kabanayan sa tibuok Misamis Occidental sulod sa taas nang panahon ug ang nagkalain laing sector ug kahigalaan nga nagsuporta sa banayng Bernad sukad pa sa unang panahon nga nisalmot sa lumba sa politika ang iyang apohan.
Kabahin niini ang dagkong pamilya sa lalawigan sa banayng Ascuna, Ledesma, Luna, Carpio, Laboga, Villa, Bendola, Molina, Dapitan, Sumatra, Milvar, Ozaraga, Pentacase , Lanzaderas, Labastida, Pinisa, Tabal, Roa, Cerino ug uban bang sanga sa banayng Bernad.

Kahinumduman nga nahimong unang gobernador nga pinili sa katawhan sa Misamis Occidental si Don Anselmo Bernad niadtong tuig 1931 ngadto sa tuig 1941 ug sa nakalabay nga doulon sa walo ka dekada nilipang na pag-ayo ang kabanayan niini sa tibuok lalawigan sa Misamis Occidental.
Ang Abilidad, kaalam, kahibalo , kaligdong sa panerbisyo ug lig-ong suporta sa banayng Bernad ug mga loyalistang higala niini maoy naghatod sa kadaugan ni kanhi Gobernador Anselmo Bernad nga nagbunga sa pagkatukod sa kapitolyo sa lalawigan, provincial hospital, dalan nga nagkutay sa mga kalungsoran ug dakbayan sa lalawigan .
Susama usab nga supporters ang naghatod sa kadaugan sa amahan sa besi mayor nga si Kanhi Mayor Dongdong Bernad sa dakbayan sa Ozamiz kaniadtong tuig 1964-1967 sa iyang unang termino ug tuig 1972-1973 alang sa ikaduhang termino kinsa nahimong intrumento nga natukod ang City Hall sa dakbayan sa Ozamiz, pagdonar ngadto sa goberno lokal sa Prosperas Park, Bernad Playground, Bgy. Villa Consuelo ug lapad nga yuta nga gipabarogan sa Ozamiz City Cathedral.
GIpahayag sa besi mayor nga ang lig-ong suportra sa iyang kabanayan ug loyalista sa banayng Bernad maoy maghatad ug kalig-on sa iyang kandidatura sa 2010 election. (Nanding Dumanjug G.Dumanjug, Office of the Vice Mayor)