DXDD-AM NEWS ONLINE

Iglesia sa Dios Ispiritu Santo misuporta sa kandidatura ni Vice Mayor Kaloy Bernad alang sa pagpagobernador sa Misamis Occidental. 

Sa ordinasyon ni Rev. Fr. Alvin Malalis niadtdong adlawng Sabado sa Maquilao Tangub City , ge-indorso ni Supreme Pontiff Sovereign Angel Melgar ngadto sa mga sakop niini sa pagtuo, si Vice Mayor Kaloy Bernad nga maoy pillion nga kandidato sa pagkagoberndor sa lalawigan sa 2010 elections. 

Gipasabot ni Sovereign Melgar nga ang founder sa ilang simbahan nga si kanhi Supreme Pontiff Felix Melgar ug kanhi Ozamiz City Mayor Fernando Dongdong Bernad suod nga managhigala ug ilang nakita nga nipalambo sa ug naghatag og maayong dungog ang pangagamhanang niini sa dakbayan sa Ozamiz. 

Subay niini lig-on ang pagtuo ni Sovereign Melgar nga si Vice Mayor Bernad ang mobanhaw-ug musunod sa maayong nahimo sa iyang amahan  ug apohan nga si kanhi Governor Don Anselo Bernad. 

Sa labing ulahing taho nasayran nga ang ngalan ni Vice Mayor Kaloy Bernad  gipadala na ngadto sa ilang  mga simbahan sa tibuok lalawigan aron mahimong giya, nga ang besi mayor sa Ozamiz maoy botaran nga  kandidato sa pagkagobernador sa Misamis Occidental.( Nanding Dumanjug, Office of the Vice Mayor)

Grupo sa  mga  kapitanes sa dakbayan sa Tangub musuporta sa  kandidatura ni Vice Mayor Kaloy Bernad sa pagkabernador sa Misamis Occidental. 

Dili pa lang dogay, ang maong grupo  nakigkita  sa  besi mayor nahisgutang  dakbayan ug nipadayag sa ilang suporta gumikan sa ilang lig-ong pagtuo nga kini maoy musunod ug mopadayon sa mga  mithi sa maayong pagdumala nga gibilin sa iyang apohan nga si kanhi gobernador Don Anselmo Bernad ug sa amahan niini nga si kanhi Ozamiz City Mayor Fernando "Dongdong Bernad.  

Samtang sa kabahin ni Tangub City Mayor Jennifer Tan gipadayag niini nga dili lisod nga makakuha og suporta  si Bernad sa ilang dakbayan ilabina nga nasayod ang mga tangubanons nga wala ni sukad nagkabingkil ang banay nga Bernad ug Tan sukad pa niadtong panahon sa pagdumala ni kanhi Gobernador Alfonso Tan ug Mayor Dongdong Bernad.  

Angayan masayran nga ang dakbayan sa tangub ang ikatulong siyudad sa Misamis Occidental nga may kinatibuk-ang gidaghanon sa mga lomolopyo nga  57mil ug moabot sa 30 mil ka mga botanti.  

Subay niini giisip ang  maong siyudad nga usa sa labing importanting dapit sa  mga  mokandidato sa provincial level. 

Sa  kabahin ni Vice Mayor Kaloy Bernad iyang gipasalamatan ang mga kapitanes ug mga opisyal sa dakbayan sa Tangub nga wala mahikalimot sa  legasiya sa iyang apohan ug amahan  ug kini mas nakadasig kaniya sa pagpalig-on sa iyang kandidatura.( Nanding Dumanjug, Office of the Vice Mayor) 

SINACABAN,MisOc—Nagmalampuson ang duha ka adlaw nga assembly and evaluation test sa 1st Misamis Occidental (MOC) Ready Reserve Batallion (RRBN), 2303rd Brigade, 23rd Ready Reserve Division, Philippine Army.

Gipahayag ni Vice Mayor Kaloy Bernad nga kini nga kalihukan kabahin sa lakang alang sa pagpalig-on sa kawsa sa partido liberal.

Ang partido nibarog, nilahutay ug nilambo subay sa prinsipyo ug kawsa alang sa pagpalig-on sa demokrasya, kagawasan sa nasod , maayong panggoberno nga nagsukad sa nasudnong kagamhanan ngadto sa local nga panggoberno sa kabanikanan.

Gipasabot sa besi mayor nga ang maong kalihukan makatabang sa pagkab-ot sa tinguha nga molambo ang Misamis Occidental gumikan kay pinaagi niini makita ang dakong suporta sa katawhan sa lalawigan sa mga kandidato sa partido liberal gikan sa presidenti, besi presidenti,senadur, kongresista, gobernador, mayores, board members ug mga konsehales.

Ang dakong suporta sa katawhan sa lalawigan kabugtian unya kini og kalamboan gumikan kay kampanti ang partido liberal nga si Senadur Noynoy Aquino ang modaog nga presidenti, senadur Mar Roxas pagkabesi presidenti ug ang kandidato sa lokal nga ang-ang.

Subling gipadayag sa besi mayor nga kon ugaling siya ang tugpahan sa suwerte nga mamahimong gobernador sa Misamis Occidental mahimo unya nga usa lang ka tikang ang Misamis Occidental ug Malacanang nga mohatog sa dakong kalamboan sa lalawigan.

Ang si Kaloy Bernad, ang apo ni Don Anselmo Bernad kanhi gobernador sa lalawigan, siya usab ang anak ni kanhi mayor sa Ozamiz Fernando Dongdong Bernad, mao ang provincial chairman sa Partido Liberal sa Misamis Occidental busa mas duol gyud unya siya sa sunod nga presidenti sa nasod.

Subay niini nanawagan ang besi mayor sa mga taga suporta nga mosalmot sa kalihukan tungod ug alang sa kaugmaon sa lalawigan. Ang ilang buhaton mo kontak lang sa iyang buhatan.

Angayang masayran nga si Noynoy ug Mar mao ang nag –una sa sunod-sunod nga mga surveys alang sa pagkapresidenti ug pagkabesis presidenti , sama sa Pulse Asia ug SWS.(Nanding Dumanjug, Office of the Vice Mayor)

Ang besi mayor niduso sa certificate of candidacy pinaagi sa pag-apil sa usa ka santos nga misa sa may alas dose sa udto sa Cathedral kinsa siya ang gitahasan sa pagbasa sa unang pagbasa sa pulong sa Dios nga nagpasabot sa pagbag-o sa pamonoan sa usa ka hari nga nahaom sa iyang tinguha nga mopabarog sa bag-ong pamonoan sa lalawigan sa Misamis Occidental. Gitugot usab sa kahigayonan nga siya ang mohimo sa offertory sa santos nga misa nga naghatag kaniya og kahigayonan nga itanyag ang iyang kaugalingon sa Labawng Makagagahom alang sa katawhan sa lalawigan.

Human sa Santos nga Misa sa Cathedral,gipahigayon ang usa ka convoy paingon ngadto sa Comelec Oroqieta diin namatikdan nga daghan sa iyang mga supporters nga naglangkob sa mga sakop sa pamilya, loyalista sa iyang apohan nga si kanhi Misamis Occidental Governor Don Anselmo Bernad ug sa iyang amahan, kanhi Ozamiz City Mayor Fernando “Dongdong Bernad”, iya mismong mga supporters kinsa wala damha bolontaryong niapil sa panon sa mga sakyanan aron sa pag-uban ug paghatag og segiridad sa besi mayor sa pagduso niini sa iyang sertipiko de kandidatura.

Pag-abot sa besi mayor sa besi mayor buhatan sa comelec sa lalawigan nga nahimotang sa dakbayan sa Oroquieta, mainitong gisugat siya sa iyang mga ligdong ug inpliwensiyadong mga paryenti sa nasangpit nga dakbayan.

Nakita sa besi mayor nga ang lig-ong suporta sa ilang banay nga nilipang sa tibuok Misamis Occidental sukad pa sa pamonoan sa iyang apohan nga kanhi gobernador ug amahan nga kanhi mayor sa Ozamiz kinsa nagbiling og maayong legasiya sa pangagamhanan, mga loyalista sa banayng bernad, ang iyang kalig-on ug abilidad, pagsalig sa katawhan, labaw sa tanan ang panalangin sa labawng makagagahom, mao ang mopapas sa gahom sa kuwarta nga gisaligan sa iyang kaatbang sa election sa pagkagobernador sa 2010 elections.

Ang bando sa besi mayor lig-ong nagtuo nga ang Misamis Occidental mahimong duol sa Malacanang kon ugaling pilion siya sa katawhan nga gobernador sa lalawigan gumikan usab sa lig-ong tilimad-on nga si Senador Noynoy Aquino mao ang musunod nga presidenti sa nasod ug si senador Mar Roxas ang mamahimong besi presidenti ubos sa ilang bando sa Partido Liberal. (Nanding G. Dumanjug)