Evaluation test sa mga reservist nagmalampuson
SINACABAN,MisOc—Nagmalampuson ang duha ka adlaw nga assembly and evaluation test sa 1st Misamis Occidental (MOC) Ready Reserve Batallion (RRBN), 2303rd Brigade, 23rd Ready Reserve Division, Philippine Army.
Ang nasangpit nga kalihukan gipahigayon niadtong Disyembre 6-7 sa Multipurpose Building sa 903rd CDC, Camp Dominguez, Sinacaban, Misamis Occidental.
Nahimong pinasidunggang bisita si Misamis Occidental Governor Loreto Leo Ocampos diin mao usab ang Battalion Commander sa 1st MOC RRBN, Philippine Army.
Sa iyang mensahe gipadayag ni Ocampos nga ang kahugpungan sa reservist dako og gikatabang sa katilingban tungod kay kanunay kini nga naglambigit sa mga kalihukang sibiko.
Sa iyang bahin, gipadayag ni 2nd Lieutenant Edgar Macabingguil, Commanding Officer nga daghan sila og mga programa nga gipahigayon sulod sa tuig 2009.
Kini naglangkob sa pagpahigayon og medical mission, cleanliness drive, trainings and livelihood seminars ug tree planting.
Posted by MALINDANG HERALD ONLINE
|
at
1:58 AM
0 comments:
Post a Comment