Nahimutangan sa gidagit nga pari wala pa masayri
OZAMIZ CITY: Milabay na ang duha ka semana sukad nga gidagit si Irish Priest Michael Sinnott apan wala pay nasayran ang crisis management committee sa nahimutangan sa pari.
Gipadayag ni crisis management spokesman ug Zamboanga del Sur public information office chief Allan June Molde nga nabalaka na sila sa kahimtang sa pari.
Gidugang ni Molde nga ang mga provincial officials lakip si Zamboanga del Sur Governor Aurora Cerilles nabalaka sa kahimtang sa panglawas ni Fr. Sinnott ilabina nga sa edad nga 79 aduna kini suliran sa kasingkasing.
Gisaysay ni Molde nga wala makigdugtong ang mga kidnappers sa ilang buhatan ug sa mga awtoridad.
Nasayran nga sukad nga madagit ang pari wala pa kini mahatdi og tambal alang sa maintenance sa iyang sakit sa kasingkasing.
Posted by MALINDANG HERALD ONLINE
|
at
2:10 PM
0 comments:
Post a Comment