Luansing posibleng mag-board member
by Adonie Decina
DILI layo ang posibilidad nga modagan sa pagka-board member sa ikaduhang distrito sa misamis occidental si City Councilor Girlet Luansing.
Kini ang unang nakitang kahigayonan sa konsehal kun’ ugaling wala nay laing posisyon sa syudad nga iyang huptan alang sa umaabot nga piniliay.
Hinuon gipaklaro ni Luansing nga bisan unsang posisyon, ma-syudad man o probinsya, andam ug tagana ang iyang kaugalingon nga moalagad kun’ mao gayud ang tingog sa kinabag-an.
Iyang gipasabot nga kun’ palaran siya sa probinsya, panghingusgan gihapon niya ang programa alang sa kaayohan sa kababayen-an, kabataan, edukasyon ug pamilya.
Si Luansing ana-a na sa ikatulo ug katapusang termino isip sakop sa konseho sa dakbayan sa ozamiz.
Sulod sa siyam ka tuig nga pagpangalagad isip konsehal ning syudad, kuyog usab niini ang kapid-an ka mga balaudnon ang iyang naduso sa city council.
This blog is edited by Neptalie Batolenio
Posted by MALINDANG HERALD ONLINE
|
at
2:08 AM
0 comments:
Post a Comment