Ordinansa pagpalambo sa tambalanan gipanday
SA dili madugay mapahimuslan na sa mga tambalanan nga gidumala sa kagamhanang probinsyal sa Misamis Occidental.
Kini human gi-aprobahan sa Sangguniang Panlalawigan ang ordinansa nga mohatag og dakung pagtagad gikan sa mga kawani ug kasarang mismo sa mga provincial hospital.
Gipahayag ni Second District Board Member Henry Oaminal nga sa pagkakaron ang mga personal services pa lamang una sa mga kawani ang madapatan sa unang ayudang pinansyal, sama sa usbaw sa sweldo ug mga bonuses.
Apan positibo sa ilang panglantaw ang probinsya nga sa ngadto-ngadto mahimo na nga economic enterprise ang mga government hospital gumikan sa espesyal nga atensyon sa kagamhanan.
Ang mga government hospital nga gihisgotan ni Oaminal mao ang Doña Maria D. Tan Memorial Hospital nga ana-a mahimotang sa dakbayan sa Tangub, Tudela, Jimenez, Provincial Hospital nga ana-a sa dakbayan sa Oroquieta ug lungsod sa Calamba.
This blog is edited by Neptalie Batolenio
Posted by MALINDANG HERALD ONLINE
|
at
2:06 AM
0 comments:
Post a Comment