Mayor Aldong wala pay hukom unsay daganan?
OZAMIZ CITY: Wala pa gihapoy mga pulong nga gibungat si Ozamiz City Mayor Reynaldo ’Aldong’ Parojinog Sr., sa posisyon nga iyang daganan sa umaabot nga piniliay karong 2010.
Kini taliwala sa mikatag nga mga hulongihong nga sumala pa pinakataas nga posisyon sa politika ang iyang daganan sa probinsya.
Hinuon, giputol na ni Parojinog ang pagtuo nga modagan siya sa pagka-gobernador sa Misamis Occidental human nga iyang gisaysay nga suportahan niya ang kandidatura ni Misamis Occidental 2nd District representative Herminia ’Hermie’ Ramiro.
Gipadayag ni Parojinog nga nagdepende lamang siya sa gusto sa katawhan ilabina nga adunay gusto nga padaganon siya og bise-mayor sa Ozamiz o kongresista sa ikaduhang distrito sa Misamis Occidental.
Hinuon wala matubag si Parojinog unsa ang duol sa iyang dughan, ang pagpapili sa pagka-besi mayor o pagkakongresista.
Si parojinog motapos na sa iyang ikatulo ug katapusang termino isip Mayor sa Ozamiz City.
Posted by MALINDANG HERALD ONLINE
|
at
4:18 PM
0 comments:
Post a Comment