Militar miduyog sa pangandoy alang sa maayong kinabuhi sa mga lungsuranon - Lustestica
TUBOD,Lanao del Norte:Gipadayag ni Maj. Gen. Romeo D. Lustestica, Commanding General sa First Infantry (Tabak) Division, Philippine Army nga ang kasundaluhan miduyog sa pangandoy sa mga kabatan-onan alang sa maayong kinabuhi sa mga lungsuranon.
Si Lustestica kinsa maoy pinasidunggang dinapit nga mamumulong sa pagtak-op nga seremonya sa gipahigayon nga tulo ka adlaw nga Youth Leadership Summit sa Philippine Science High School, Balo-i, Lanao del Norte niadtong Nobyembre 12-14, ning tuiga, nagkanayon nga usa sa dako nga paagi nga makab-ot ang maong pangandoy mao ang paghatag sa mga kabatan-onan sa "tukma nga dapit-katiguman aron makita nila ang ilang kaugalingon nga naapil sa katilingban, dili igsapayan kon batan-on sila, ug ang ilang mga panan-aw ug hunahuna gihatagan ug pagtagad."
Gidugang ni Lustestica nga ang mga kabatan-onan sa Mindanao sa kanunay nag-atubang sa mga hagit sa nagkadaiyang kahimtang sama pananglit sa pagtuo, kaliwat, ug kagikan busa ang paghiusa ning mga sukaranan usa ka tahas nga gipaabot nga panlimbasugan sa mga umaabot nga mga lider. Ug niini, iya nga gipakisama ang mga utukan nga mga tinun-an sa Philippine Science High School (PSHS) nga mga umaabot nga mga lider.
Gihagit sa nasangpit nga heneral ang mga Youth Leadership Summit (YLS) graduate nga ilang tumanon ang ilang kaakuhan pagbulig sa kalinaw, pagsalmot sa mga programa sa kagamhanan nga naglakip sa sektor sa mga kabatan-onan ug ang ilang mga komunidad.
Sa samang higayon, giila ni Lustestica ang ilang bililhon nga natampo ngadto sa kalinaw ug mga pangkalamboang paningkamot sa kagamhanang lokal sa ilang mga hingtungdang dapit.
Gipakisama usab niya ang mahinungdanon nga kaakuhan sa mga kabatan-onan ilabi na sa mga YLS graduate pagtuman sa ilang mga buluhaton.
"Kinasingkasing nga gihimo namo kamo nga iwag paghimo sa among buluhaton ug pagtuman sa among misyon pagbantay sa mga katawhan batok sa mga buot mogun-ob sa atong demokratikanhong paagi sa kinabuhi. Apan kini nga buluhaton dili namo mahimo kon kami lamang, nagkinahanglan kami sa mapadayonong pagbulig sa komunidad ug pagtimbayayong sa katawhan ilabi na sa batan-on nga henerasyon," pahayag ni Lustestica.
Ang YLS, usa ka programa sa Armadong Kusog nga girepresentahan dinhi sa rehiyon sa 1st infantry (tabak) division ilawom sa kumandansya ni Maj. Gen. Lustestica ug gi-abagan sa 104th (sultan) brigade nga gipanguluhan ni col benny de leon, national youth commission, ug mga ahensya sa lokal nga kagamhanan. (GCC/PIA9-Pagadian City)
Si Lustestica kinsa maoy pinasidunggang dinapit nga mamumulong sa pagtak-op nga seremonya sa gipahigayon nga tulo ka adlaw nga Youth Leadership Summit sa Philippine Science High School, Balo-i, Lanao del Norte niadtong Nobyembre 12-14, ning tuiga, nagkanayon nga usa sa dako nga paagi nga makab-ot ang maong pangandoy mao ang paghatag sa mga kabatan-onan sa "tukma nga dapit-katiguman aron makita nila ang ilang kaugalingon nga naapil sa katilingban, dili igsapayan kon batan-on sila, ug ang ilang mga panan-aw ug hunahuna gihatagan ug pagtagad."
Gidugang ni Lustestica nga ang mga kabatan-onan sa Mindanao sa kanunay nag-atubang sa mga hagit sa nagkadaiyang kahimtang sama pananglit sa pagtuo, kaliwat, ug kagikan busa ang paghiusa ning mga sukaranan usa ka tahas nga gipaabot nga panlimbasugan sa mga umaabot nga mga lider. Ug niini, iya nga gipakisama ang mga utukan nga mga tinun-an sa Philippine Science High School (PSHS) nga mga umaabot nga mga lider.
Gihagit sa nasangpit nga heneral ang mga Youth Leadership Summit (YLS) graduate nga ilang tumanon ang ilang kaakuhan pagbulig sa kalinaw, pagsalmot sa mga programa sa kagamhanan nga naglakip sa sektor sa mga kabatan-onan ug ang ilang mga komunidad.
Sa samang higayon, giila ni Lustestica ang ilang bililhon nga natampo ngadto sa kalinaw ug mga pangkalamboang paningkamot sa kagamhanang lokal sa ilang mga hingtungdang dapit.
Gipakisama usab niya ang mahinungdanon nga kaakuhan sa mga kabatan-onan ilabi na sa mga YLS graduate pagtuman sa ilang mga buluhaton.
"Kinasingkasing nga gihimo namo kamo nga iwag paghimo sa among buluhaton ug pagtuman sa among misyon pagbantay sa mga katawhan batok sa mga buot mogun-ob sa atong demokratikanhong paagi sa kinabuhi. Apan kini nga buluhaton dili namo mahimo kon kami lamang, nagkinahanglan kami sa mapadayonong pagbulig sa komunidad ug pagtimbayayong sa katawhan ilabi na sa batan-on nga henerasyon," pahayag ni Lustestica.
Ang YLS, usa ka programa sa Armadong Kusog nga girepresentahan dinhi sa rehiyon sa 1st infantry (tabak) division ilawom sa kumandansya ni Maj. Gen. Lustestica ug gi-abagan sa 104th (sultan) brigade nga gipanguluhan ni col benny de leon, national youth commission, ug mga ahensya sa lokal nga kagamhanan. (GCC/PIA9-Pagadian City)
Posted by MALINDANG HERALD ONLINE
|
at
1:23 AM
0 comments:
Post a Comment